ĈAPITRO 11 — Enigo de Glitpunktaj Datumoj

En Java, la primitivaj tipoj inkludas la glitpunktajn tipojn float (glitpunkta) kaj double (duobla glitpunkta). Glitpunktaj nombroj estas tiuj kiuj havas frakcian (dekuman) parton. Surpapere, glitpunkta nombro inkludas dekuman punkton. Ekzemple, 3.14159 kaj -0.718802.

En ĉefmemoro kaj diska memoro, float estas reprezentata per 32-bita aranĝo kaj double per 64-bita aranĝo. Por enigo per klavaro, signaj datumoj devas konvertiĝi al glitpunktaj datumoj. Por eligo al ekrano aŭ al teksta dosiero, glitpunktaj datumoj devas konvertiĝi al signoj.

Dum programado, la Java-klaso Math, disponigas al vi ĉiujn konatajn matematikajn funkciojn, ekz-e, sine (sinuson), log (logaritmon) kaj square root (kvadratan radikon). Tiuj funkcioj specife postulas glitpunktajn datumojn.

Se vi kore malŝategas matematikon, vi povas facilanime trasalti la plejparton de tiu ĉi ĉapitro sen granda damaĝo. Sed tamen bonvolu pacience tralegi la unuajn kvin paĝojn, kiuj klarigas kiel programe oni devas plenumi legadon de glitpunktaj datumoj.

Ĉapitraj Temoj:

• Konverti ĉenojn al tipo double.
• Enigo per klavaro de glitpunktaj nombroj
• La klaso Math
• Kvadrata radiko
• Funkcioj Trig
• PI
• Ne Nombro (NaN)

Kelkaj el la metodoj aperantaj en tiu ĉi ĉapitro funkcios nur kun Java-versioj 1.2 aŭ pli freŝdataj (vidu en Ĉapitro 5 kiel atingi senpage la nunan version 1.4).